Unioni de is Comunus de su Partiolla e de su Campidanu 'e Bàscius

DOLIANOVA: progetus po s'imprenditoria cumunali

Cumentzat sa PARTI II de su POIC (Progetus Operativus po s'Impreditoria Cumunali). Innoi podis ligi s'avisu interu de su Cumunu de Dolianova (URP).

28/08/2013 10:32 - SU CUMUNU DE DOLIANOVA

chi est unu de is Cumunus chi ant arriciu is finantziamentus POIC (Progetus Operativus po s'Imprenditoria Cumunali)

fait isciri ca

sa Regioni Sardìnnia at publicau s'AVISU POIC po mandai a innantis sa Parti II, est a nai sa seletzioni, pighendi is progetus cumunalis passaus in sa Parti I, de is chi podint gosai de is finantziamentus postus a dispositzioni.

Su Cumunu de Dolianova tenit unu finantziamentu regionali de 420.000,00 eurus partzius in:
300.000 eurus po agiudu econòmicu po incarrerai sa sienda e movi s'ocupatzioni; 120.000 eurus po agiudu econòmicu po rendi innovativa s'organizatzioni.
Custu finantziamentu at a podi essi donau a is siendas chi funt ativas in su territòriu de Dolianova in is setoris chi sighint:

• Saludi e Servìtzius a sa Persona
• Istrutzioni
• Comèrciu mannu e piticu, màchinas e motoris de arrangiai

Is domandas po pigai su Finantziamentu si depint presentai cumentzendi de su 17/09/2013, fintzas a su 31/01/2013. Is sogetus presentant sa domanda a SFIRS in formau eletrònicu: su modellu s'at a podi agatai in su situ internet de sa Regioni Autonoma de sa Sardìnnia (www.regione.sardegna.it), de su SFIRS (www.sfirs.it), in Sardegna Lavoro (www.sardegnalavoro.it) e in is logus postus po custu progetu in is ufìtzius de is Cumunus chi pigant parti a su POIC.

Sa domanda imprentada, sutascrita de su titolari o rapresentanti legali e cun sa documentatzioni posta in fundu de su modellu depit essi mandada a SFIRS, in cabu de una cida apustis de ai mandau su formau eletrònicu, sceti cun racomandada, posta celere cun avisu o postali cun avisu a custu indiritzu:


Fondo PISL-POIC FSE – Operazione POIC del Comune di Dolianova
c/o SFIRS S.p.A.
Via Santa Margherita, 4 – 09124 Cagliari
o per posta certificata con firma digitale all'indirizzo
PEC: sfirs@legalmail.it


Totus is acrarimentus asuba de s'Avisu Pùblicu si depint mandai a sa casella de posta eletrònica indicada: sportelloimpresa@sfirs.it.

S'avisu POIC, impari cun totus is inditus asuba de sa Parti II de su progetu, si podint agatai in sa pagina regionali www.regione.sardegna.it/j/v/1725

[Origini: Cumunu de Dolianova]