Unioni de is Comunus de su Partiolla e de su Campidanu 'e Bàscius

BARRALI: contributus po entis e associatzionis

Su Cumunu de Barrali at publicau unu bandu po partziri 4.000 eurus a Entis e Associatzionis Isportivas. Ligi su bandu interu innoi.

19/09/2013 10:42 - CUMUNU DE BARRALI
Provìncia de Casteddu

Bia Casteddu, 9 – C.A.P. 09040
TEL. 0709802631-0709802445-FAX 0709802535
barrali@tiscali.it

BANDU
PO CONTRIBUTUS A ENTIS PÙBLICUS E PRIVAUS E ASSOCIATZIONIS PO ATIVIDADI ISPORTIVA E SPÀSSIU IN SU TEMPUS LÌBERU
ANNU 2013/2014

A DISPOSITZIONI: €. 4.000,00


S'Aministratzioni Cumunali, cunforma de s'art.6 de su Regolamentu Cumunali po donai finantziamentus e benefìcius econòmicus a entis e privaus, depit donai €. 4.000 de contributus a Entis e Associatzionis po atividadis isportivas e spàssiu, annu 2013/2014. Is domandas, fatas segundu su fac-simile de arretirai in s'Ufìtziu po is Afàrius Generalis, depint arribbai a su Cumunu de Barrali, mancai siat portendinceddas inderetura a s'Ufìtziu Protocollo, no prus a tardu de mesudì de su 30.09.2013.

Impari a sa domanda, po chi potzat balli, tocat a ponni puru custus documentus:

Primu annu de concessioni:

• Còpia de su bilànciu preventivu po s'annu 2013/2014;
• Còpia de su programa de atividadi po s'annu 2013/2014;
• Còpia de su Statutu.

Po is annus infatu:

• Còpia de su bilànciu preventivu po s'annu 2013/2014;
• Còpia de su programa de atividadi po s'annu 2013/2014;
• Contus de gestioni po s'annu 2012/2013

Partendi de is domandas arribbadas, sa Giunta Municipali at a fai su Pianu po partziri su tanti a dispositzioni e ponni, po dònnia domanda, su contributu de donai.
Su contributu at a essi donau aici;
- 75% luegus;
- 25% a saldu, in s'esercìtziu 2014, in màssimu 30 diis partendi de sa presentatzioni de is contus de s'annu po su cali s'enti at fatu domanda, cun faturas, ricevutas, scontrinus e aici sighendi).

Po sa procedura: Rag. Rita Orrù, Ufìtziu Afàrius Generalis, Tel. 0709802445 – 0709802631 – Fax 0709802535..

Su Responsabili de su Servìtziu

Dot.ssa Margherita Galasso

[Origini: Cumunu de Barrali]