Unioni de is Comunus de su Partiolla e de su Campidanu 'e Bàscius

Santu Jacu e àterus santus 2012

Su progetu de ricerca, SANTU JACU E ATRUS SANTUS, cumentzau in su 2010 e acabbau in su 2012 sighendi duus diferentis arrastus, unu istòricus-arcivìsticu e s'àteru etno-musicològicu, miràt a agatai e istudiai is documentus arcivìsticus e de s'oralidadi asuba de sa stòria religiosa e devotzionali in Solèminis, in su tretu de tempus chi andat de su Evu Mèdiu a s'èpoga contemporanea.

Istudiada meda est istètia sa divotzioni po Santu Jacu Mannu, "maggiore" in italianu, patronu de su logu. Po custu su Cumunu de Solèminis, impari a cuddus de Mandas, Goni, Perdaxus, Orosei, Noragùgume, Nuhgedu Santa Vitòria, Itireddu e Casteddu, impari a sa Cùria de Casteddu e a sa Soprintendèntzia po Casteddu e Aristanis, ant firmau unu acòrdiu po apariciai interventus po donai valori a su patrimòniu culturali, istòricu e traditzionali de sa Sardìnnia. Custu progetu dd'ant batiau BIAS DE FIDI: su caminu de Jacu in Sardìnnia, chi est aìnturu de su progetu internatzionali THE SAINT JAMES'S WAYS, a su cali pigant parti Spànnia, Itàlia e Frància.

S'UFITZIU PO SA LINGUA SARDA de su Cumunu de Solèminis at torrau in sardu parti de custu materiali documentàriu, cun sa ghia scentìfica de sa studiosa Simonetta Sitzia. Podeis ligi totu crachendi su link innoi asuta.

Santu Jacu e àterus santus